محکمہ موسمیات نے 20 سے 23 جنوری تک ملک بھر میں متوقع موسم کے متعلق پیش گوئی کردی۔

محکمہ موسمیات کے مطابق شمالی علاقہ جات میں تیز بارشوں کے ساتھ برفباری متوقع ہے۔

سری نگر جمو و کشمیر (20 سے 23 جنوری)

محکمہ موسمیات کے مطابق علاقے میں شدید بارشیں اور وقفے وقفے سے ہوا اور ژالہ باری کے ساتھ برفباری متوقع ہے۔

خیبر پختونخوا، گلگت بلتستان اور آزاد کشمیر (20 سے 23 جنوری)

محکمہ موسمیات کے مطابق ان علاقوں میں تیز ہواؤں اور ژالہ باری کے ساتھ شدید بارشیں متوقع ہے۔ دیر، سوات، بونیر، معدان، مانسہرا، شانگہ، ایبٹ آبد، کرم، مردان، صوابی، سمیت کئی بلند علاقوں میں اوسط درجے سے شدید برفباری متوقع ہے۔

پنجاب (20 سے 23 جنوری)

محکمہ موسمیات کے مطابق پنجاب کے اکثر علاقوں میں بالخصوص شمالی علاقے، بشمول اسلام آباد، راولپنڈی، لاہور، فیصل آباد، سیالکوٹ، شیخوپورہ، قصور، بھکر، لیہ، میانوالی، سرگوتھا، جھنگ، ٹوبہ ٹیک سنگھ وغیرہ میں بارش اور وقفے وقفے سے طوفانی بارشیں متوقع ہیں۔

مری، بھوربن اور نواحی علاقوں میں وقفے وقفے سے اوسط درجے سے تیز برفباری متوقع ہے۔

بلوچستان (20 سے 23 جنوری)

محکمہ موسمیات کے مطابق بلوچستان کے اکثر حصوں میں بشمول کوئٹہ، زیارت، ژوب، خضدار، کوہلو، لورالائی، برخان، موسیٰ خیل، پِشین، قلع عبداللہ، نوکُنڈی، دالبدین، نوشکی، تربت، پنجگور، قلات، مستونگ، نصیرآباد سمیت کئی علاقوں میں ژالہ باری کے ساتھ تیز بارشوں کی پیشگوئی ہے اور شدید ٹھنڈ متوقع ہے۔

سندھ (20 سے 23 جنوری)

محکمہ موسمیات کے مطابق سندھ بھر میں موسم سرد اور خشک رہے گا جبکہ سندھ کے شمالی حصوں میں ہلکی بارش کے امکان ہیں۔

کراچی میں ہوا کے ساتھ ٹھنڈ کی لہر رہے گی۔