وزیر تعلیم پنجاب مراد راس کا سردیوں کی چھٹیوں کے حوالے سے اہم بیان سامنے آیا ہے۔

مراد راس نے موسم سرما کی چھٹیوں میں اضافے کی خبروں کو مسترد کرتے ہوئے کہا ہے کہ سردیوں کی چھٹیوں میں اضافہ نہیں ہوگا، چھٹیاں آج ختم ہو جائیں گی اور کل سے تمام اسکول کھل جائیں گے۔

وزیر تعلیم پنجاب نے ٹوئٹر پر جاری اپنے پیغام میں کہا کہ ‘جن اسکولوں میں 6 جنوری تک چھٹیاں ہیں وہ کل سے کھل جائیں گے۔’

‘ہم اپنے طلبہ اور اساتذہ کو سکول واپسی پر خوش آمدید کہتے ہیں۔’

Advertisement

ANNOUNCEMENT
All schools of Punjab that had winter vacation till January 6th, 2022 will open tomorrow January 7th, 2022. We welcome our students and teachers back to school. Please follow COVID SOPs issued by the government.

— Murad Raas (@DrMuradPTI) January 6, 2022

اپنے پیغام میں مراد راس نے اساتذہ اور طلبہ سے اپیل کی کہ وہ کورونا کے حوالے سے حکومت کی طرف سے جاری کیے گئے ایس او پیز پر مکمل عملدر آمد کو یقینی بنائیں۔

گزشتہ روز سوشل میڈیا پر خبرٰن گردش کر رہی تھیں کہ سردی اور کورونا کیسز بڑھنے پر تعلیمی اداروں میں سردیوں کی چھٹیوں میں اضافے پر غور کیا جا رہا ہے۔

تاہم اب صوبائی حکومت نے فیصلہ کیا ہے کہ اسکول ہر حال میں کھولے جائیں گے۔