کراچی کی ایک ملک شاپ پر دکاندار کی حاضر دماغی کے باعث ڈکیتی کے دوران بڑی رقم لٹنے سے بچ گئی۔

یہ واقعہ کراچی کے علاقے عزیز آباد بلاک 8 میں پیش آیا جہاں ڈکیت چند سیکنڈز میں کیش کاؤنٹر سے 20 ہزار نقدی اور دو موبائل فونز چھین کر فرار ہو گیا، دکاندار نے خطرہ بھانپ کے بڑی رقم کا پیکٹ برق رفتاری سے کاؤنٹر کے نیچے پھینک دیا۔

ملزموں نے شناخت چھپانے کے لیے ہیلمٹ اور سرجیکل ماسک پہن رکھے تھے۔

علی الصبح ہونے والی واردات کی سی سی ٹی وی فوٹیج بھی سامنے آگئی۔

متاثرہ دکاندار کا کہنا ہے کہ واردات کی رپورٹ عزیز آباد پولیس اسٹیشن میں درج کرا دی  گئی ہے۔