سیالکوٹ میں پولیس اور اشتہاری ڈکیتوں کے درمیان دلچسپ مقابلہ ہوا۔

ترجمان پولیس نے مقابلہ کی تفصیلات بتاتے ہوئے کہا کہ اشتہاری ڈکیت گاؤں کے باہر جھنڈو پل پر ناکہ لگا کر راہ گیروں کو لوٹ رہے تھے کہ ڈاکو ناکے کی اطلاع پر پولیس موقع پر پہنچ گئی۔

ترجمان پولیس کے مطابق پولیس کو دیکھتے ہی ڈاکوؤں نے قریبی کھیتوں میں پناہ لے کر پولیس پر اندھا دھند فائرنگ شروع کر دی اور پولیس مقابلے کی اطلاع ملتے ہی ڈسکہ سرکل کی پولیس کی بھاری نفری موقع پر پہنچ گئی۔

پولیس ترجمان کا کہنا ہے کہ ڈاکوؤں کے گرد گھیرا تنگ کر کے دو اشتہاری ڈاکوؤں کو پولیس نے گرفتار کر لیا جبکہ ایک ڈاکو فرار ہو گیا۔

ترجمان پولیس کا کہنا ہے کہ ڈاکوؤں کی فائرنگ سے ایک راہگیر معمولی زحمی ہوا جسے سول ہسپتال ڈسکہ منتقل کر دیا گیا ہے۔

پولیس ترجمان کا مزید کہنا تھا کہ فرار ہونے والے ڈاکو کی علاقے میں تلاش جاری ہے۔