ملک بھر میں کورونا کی شدت میں اضافہ ہورہاہے،چوبیس گھنٹوں میں 3567 نئے کیسز رپورٹ ہوئے ہیں۔

نیشنل کمانڈ اینڈ آپریشن سینٹر کے اعداد و شمار کے مطابق ملک بھر میں گزشتہ روز مجموعی طور پر 48 ہزار 449 کورونا ٹیسٹ کیے گئے، جن میں سے 3 ہزار 5 سو 67 میں کورونا وائرس کی تشخیص ہوئی۔

اعداد و شمار کے مطابق گزشتہ روز کورونا مثبت کیسز کی شرح 7.36 فیصد ریکارڈ کی گئی جب کہ گزشتہ برس ستمبر کے بعد اب تک ایک روز میں سب سے زیادہ کیسز رپورٹ ہوئے ہیں۔

Statistics 14 Jan 22:
Total Tests in Last 24 Hours: 48,449
Positive Cases: 3567
Positivity %: 7.36%
Deaths :7
Patients on Critical Care: 675

Advertisement

— NCOC (@OfficialNcoc) January 14, 2022

گزشتہ 24 گھنٹوں کے دوران کورونا نے مزید 7 افراد کی جان لے لی ہے جس کے بعد اس وبا سے ملک میں جاں بحق ہونے والوں کی مصدقہ مجموعی تعداد 28 ہزار 999 ہوگئی ہے۔

اس کے علاوہ گزشتہ 24 گھنٹوں کے دوران 362 افراد کورونا سے صحتیاب بھی ہوئے جس کے بعد ملک میں وبا سے شفایاب ہونے والے افراد کی تعداد 12 لاکھ 60 ہزار 407 ہو گئی ہے۔

کورونا مریضوں میں سے 675 کی حالت تشویشناک بتائی جارہہ ہے۔