اسٹیل ٹاؤن پولیس نے فلٹر پلانٹ کے قریب چھاپہ مار کارروائی کر کے 3 ملزمان کو گرفتار کر لیا ہے۔

اسٹیل ٹاؤن پولیس نے کارروائی کر کے گرفتار ملزمان سے غیر قانونی اسلحہ بمعہ ایمونیشن، دو چوری شدہ بیٹریاں اور مسروقہ رکشہ برآمد کیا ہے۔

پولیس کا کہنا ہے کہ گرفتار ملزمان نے دوران انٹیروگیشن چھینا جھپٹی سمیت گاڑیوں کی بیٹریاں چوری کرنے کا انکشاف کیا ہے اور اب ان کا کرمنل ریکارڈ چیک کیا جا رہا ہے۔

پولیس کا کہنا ہے کہ گرفتار ملزمان میں ساگر، اسامہ اور حاکم شامل ہیں۔ گرفتار ملزمان کے خلاف مقدمہ درج کر لیا گیا ہے اور اب تفتیش جاری ہے۔

ترجمان ضلع ملیر پولیس کے مطابق ملزمان سے برآمد اسلحہ فارنزک کے لیے روانہ کر دیا گیا ہے۔