فری اینڈ فیئر الیکشن نیٹ ورک نے کہا ہے کہ ملک میں طبعی عملہ کو وباء سے نمٹنے کے لیے درکار مہارت اطمینان بخش ہے۔

فافن نے کورونا وائرس ایس او پیز پر عملدرآمد سے متعلق رپورٹ پیش کی جو کہ ملک کے 69 اضلاع میں مراکز صحت اور عوامی مقامات کے مشاہدے سے متعلق ہے۔

رپورٹ دسمبر 2021  اور جنوری 2022 کے مشاہدے پر مشتمل ہے۔

فافن کا رپورٹ میں کہنا تھا کہ گزشتہ سال کے آخری تین ماہ میں کیسز میں کمی کے ساتھ احتیاطی تدابیر پر عمل درامد میں کمی آئی ہے۔

ادارے کا کہنا تھا کہ 21 دسمبر 2021  سے 16 جنوری 2022 تک کورونا وائرس کے کیسز میں دس فیصد اضافہ ہوا ہے۔ حالیہ لہر سے مریضوں کی بڑھتی  تعداد کو سنبھالنے میں دشواری ہو سکتی ہے۔

فافن نے کہا کہ خیبرپختونخوا کے ضلع شانگلہ میں طبعی سہولیات نہ ہونے کے برابر ہیں، شانگلہ میں 19 ہزار 792 افراد کے لیے ایک وینٹی لیٹر دستیاب ہے۔

رپورٹ میں مزید کہا گیا کہ تعلیمی اداروں، دفاتر اور عوامی مقامات پر احتیاطی تدابیر انتہائی ضروری ہے۔ ملک میں طبعی عملہ کو وباء سے نمٹنے کے لیے درکار مہارت اطمینان بخش ہے۔