مری میں برفباری سے جاں بحق ہونے والوں میں راولپنڈی پولیس کے ایک افسر اور ان کے اہل خانہ بھی شامل ہیں۔

بول نیوز کے مطابق مری میں گزشتہ 5 روز سے برفباری کا سلسلہ جاری ہے، برفباری سے اب تک 19 افراد کے جاں بحق ہونے کی تصدیق کی گئی ہے۔

جاں بحق افراد میں ایک پولیس افسر اور ان کے 7اہل خانہ بھی شامل ہیں۔

مزید پڑھیے: مری میں برفباری سے 19 افراد جاں بحق، پاک فوج طلب

جاں بحق پولیس افسر کی شناخت اے ایس آئی نوید کے نام سے ہوئی ہے، جو کہ راولپنڈی کے تھانہ کوہسار میں تعینات تھے۔

اے ایس آئی نوید کے ہمراہ ان کے 7 اہل خانہ بھی ہوئے ہیں۔

پولیس حکام کا کہنا ہے کہ نوید گزشتہ روز اہل خانہ کو مری میں برفباری کے نظارے کے لیے لے کر گئے تھے۔

مزید پڑھیے: مری میں برفباری سے اموات مجرمانہ غفلت ہے، شہباز شریف

واضح رہے کہ مری میں گزشتہ روز برف کا طافان آیا تھا، جس میں ہزاروں گاڑیاں پھنس گئی تھیں۔

مری میں اس وقت ایمرجنسی رضاکاروں اور امدادی کارکنوں کے علاوہ کسی کے بھی داخلے پر پابندی ہے۔پاک فوج کے دستے انتظامیہ کے ساتھ کر امدادی کاموں میں مصروف ہیں۔