محکمہ صحت نے کہا ہے کہ خیبرپختونخوا میں کورونا ایکٹیو کیسز کی تعداد 7 ہزار 47 ہو گئی ہے۔

محکمہ صحت نے خیبرپختونخوا میں کورونا وائرس کی صورتحال پر رپورٹ دیتے ہوئے کہا کہ صوبے میں کورونا کیسز کی مجموعی تعداد 1 لاکھ 89 ہزار 300 ہو گئی ہے۔

ادارے نے کہا کہ صوبے میں ایک دن میں 1 ہزار 317 افراد کورونا وائرس سے متاثر ہوئے ہیں۔

محکمہ صحت نے کہا کہ صوبہ میں گزشتہ 24 گھنٹوں کے دوران خیبرپختونخوا میں کورونا وائرس سے 3 افراد انتقال کر گئے ہیں جس کے بعد کورونا سے اب تک جاں بحق افراد کی تعداد 5 ہزار 989 ہو گئی ہے۔

ادارے کا کہنا ہے کہ خیبرپختونخوا میں گزشتہ 24 گھنٹوں میں کورونا وائرس کے مزید ایک ہزار 317 نئے کیسز رپورٹ ہوئے ہیں۔

محکمہ صحت نے کہا کہ خیبرپختونخوا میں گزشتہ 24 گھنٹوں کے دوران کورونا سے متاثرہ 143 مریض صحت یاب ہوئے ہیں۔

رپورٹ کے مطابق صوبے میں دن میں 12 ہزار 493 نئے ٹیسٹ کیے گئے ہیں۔

ادارے کا مزید کہنا تھا کہ پشاور میں گزشتہ 24 گھنٹوں کے دوران کورونا کے مزید 713 نئے کیسز رپورٹ ہوئے ہیں۔