شاہدرہ احتجاجی مظاہرے کے باعث مین جی ٹی روڈ مکمل ٹریفک کے لیے بند کر دی گئی۔

شاہدرہ چوک ریلوے پولیس کے خلاف پھاٹک نمبر 7 کے مکینوں کا احتجاج جاری ہے جس کے باعث ٹریفک کی لمبی قطارے لگ گئی ہیں۔

مظاہرین کا کہنا ہے کہ بغیر نوٹس ہمارے مکان گرائے جا رہے ہیں۔

متاثر شخص ریاست علی کا کہنا تھا کہ دو دن بعد بچی کی شادی تھی منت سماجت کے بعد بھی ٹائم نہ دیا گیا۔ ریلوے پولیس اہلکار ہمارے گھر میں لوٹ مار کرتے رہے، زیورات اور رقم لوٹ کر لے گئے۔

مظاہرین کا مزید کہنا تھا کہ اعلیٰ حکام سے اپیل ہے کہ ریلوے پولیس ملازمین کی غُنڈا گردی کا نوٹس لیا جائے اور ان کے خلاف کارروائی کی جائے۔