مولانا فضل الرحمان نے کہا ہے کہ مفتی محمود اشرف عثمانی کی وفات کے سانحہ سے دل غمزدہ ہے۔

جے یو آئی سربراہ مولانا فضل الرحمان نے صدر وفاق المدارس العربیہ مفتی تقی عثمانی سے رابطہ کیا۔

ان کا کہنا تھا کہ ہم دارالعلوم کراچی کے اساتذہ، طلبہ اور خانوادہ عثمانی سے اظہار تعزیت کرتے ہیں اور دعا کرتے ہیں کہ اللہ کریم حضرت کی کامل مغفرت فرمائے اور اعلیٰ علیین میں مقام عطاء فرمائے۔

انہوں نے کہا کہ مفتی صاحب کی خدمات قابل تحسین اور ان کی علمی تحقیق قابل ستائش ہے، اللہ کریم ان کے مساعی جمیلہ کو قبول فرمائے۔

 واضح رہے کہ مولانا مفتی محمد رفیع عثمانی کے بھتیجے مفتی محمود اشرف کا انتقال ہو گیا ہے۔

ان کی نماز جنازہ آج رات 11:30 پر ادا کی جائے گی۔