زرتاج گل نے کہا ہے کہ کشمیری خواتین کی جرات اور استقامت کو سلام ہے۔

وفاقی وزیر مملکت زرتاج گل نے کشمیر کانفرنس سے خطاب کرتے ہوئے کہا کہ مقبوضہ کشمیر میں خواتین کی عصمت دری کی گئی، نوجوانوں کو شہید کیا گیا، بھارت نے ظلم کی انتہا کر دی ہے۔

ان کا کہنا تھا کہ کشمیری خواتین کی جرات اور استقامت کو سلام ہے، ہماری کشمیری مائیں بہنیں جدوجہد کر رہی ہیں۔

انہوں نے کہا کہ پاکستان نے دہشتگردی کے خلاف قربانیاں دیں، حکومت ہر فورم پر کشمیریوں کی آواز بنے گی۔

زرتاج گل نے کہا کہ ہم کشمیری اور فلسطینیوں کے ساتھ ہیں، ہم پر الزامات لگائے جاتے ہیں کہ کشمیر کا سودا کر دیا۔

انہوں نے مزید کہا کہ عمران خان نڈر لیڈر ہے۔

کشمیر یوتھ الائنس کے زیر اہتمام یوم مزاحمت نسواں کشمیر کے موقع پر کانفرنس کا انعقاد کیا گیا جس میں مختلف شعبہ ہائے زندگی سے تعلق رکھنے والے افراد نے شرکت کی۔