میٹرو بسس کی صحیح سے مرمت نہ ہونے کے باعث وہ واپس ورکشاپ پہنچا دی گئیں ہیں۔

بسوں کی کمی کے باعث اسٹاپ ٹو اسٹاپ دورانیہ سوا دو منٹ سے بڑھا کر تین منٹ کر دیا گیا ہے۔

ستمبر 2021 میں پرانا کنٹریکٹ ختم ہونے کے بعد ویڈا امیزا کمپنی کو نیا کنٹریکٹ ملا، نئی کمپنی کا چارج سنبھالے سات ماہ کا عرصہ ہوا ہے۔

سات ماہ کے دوران سات نئی بسیں خراب ہو کر ورکشاپ پہنچ گئیں ہیں اور ورکشاپ میں کھڑی بسوں کا سامان اتار کر باقی بسوں میں استعمال ہونے لگا ہے۔

میٹرو بس پسنجر روٹ پر بسوں کی کمی کی وجہ سے عوام پریشانی کا شکار ہونے لگی اور ہیڈ وے کا دورانیہ بڑھنے سے اسٹاپس پر مسافروں کا رش بھی بڑھنے لگا ہے۔

سات ماہ گزرنے کے بعد بھی ورکرز میڈیکل ودیگر سہولیات سے محروم نظر آئے۔