وفاقی وزیر اطلاعات و نشریارت چوہدری فواد حسین نے کہا ہے کہ 2023 سے پہلے بہت سے لوگ مسلم لیگ (ن)میں بادشاہی نظام کے خلاف آواز بلند کر کے انہیں چھوڑ جائیں گے۔

اپنی ٹوئٹ میں فواد چوہدری نے کہا ہے کہ مسلم لیگ (ن) میں شریف خاندان کے یک طرفہ فیصلوں کی وجہ سے چوہدری نثار جیسے منجھے ہوائے سیاستدان پارٹی سے کنارہ کشی اختیار کرگئے۔

وفاقی وزیر نے کہا کہ (ن) لیگ کی قیادت سے شاہد خاقان عباسی کے تحفظات ابھی نقطہ آغاز ہے۔

یہ خبر بھی پڑھیں: آصف زرداری اور بلاول بھٹو کی شہباز شریف سے ملاقات

فواد چوہدری نے دعویٰ کیا کہ 2023 سے پہلے بہت سے لوگ مسلم لیگ (ن)میں بادشاہی نظام کے خلاف آواز بلند کر کے انہیں چھوڑ جائیں گے۔

وزیر اطلاعات نے مزید کہا کہ مسلم لیگ (ن) کی طرح پیپلز پارٹی بھی اسی صورت حال سے دوچار ہے۔

یہ خبر بھی پڑھیں: حکومت مخالف تحریک پر نواز، مولانا فضل الرحمان رابطہ

واضح رہے کہ دو روز قبل لاہور میں شہباز شریف کی رہائش گاہ پر پیپلز پارٹی کے چیئرمین بلاول بھٹو زرداری اور سابق صدر آصف علی زرداری کے اعزاز میں ظہرانہ دیا گیا تھا۔