محکمہ صحت نے کہا ہے کہ خیبرپختونخوا میں کورونا کیسز کی مجموعی تعداد 2 لاکھ 16 ہزار 51 ہو گئی ہے۔

محکمہ صحت نے خیبرپختونخوا میں کورونا وائرس کے کیسز پر رپورٹ دیتے ہوئے کہا کہ خیبرپختونخوا میں گزشتہ 24 گھنٹوں کے دوران کورونا سے 9 مریضوں کا انتقال ہوا جس کے بعد جاں بحق افراد کی مجموعی تعداد 6 ہزار 246 ہو گئی ہے۔

ادارے نے کہا کہ خیبرپختونخوا میں 24 گھنٹوں میں کورونا وائرس سے مزید 115 افراد متاثر ہوئے جس کے بعد یہاں کورونا کیسز کی مجموعی تعداد 2 لاکھ 16 ہزار 51 ہو گئی ہے۔

محکمہ صحت کا کہنا تھا کہ خیبرپختونخوا میں 24 گھنٹوں کے دوران کورونا سے متاثرہ 521 مریض صحتیاب ہوئے، یہاں صحتیاب افراد کی تعداد 2 لاکھ 22 ہزار 95 ہو گئی ہے۔

ادارے کا کہنا تھا کہ خیبرپختونخوا میں ایک دن میں 2 ہزار 887 ٹیسٹ کیے گئے۔

ادارے نے کہا کہ پشاور میں گزشتہ 24 گھنٹوں کے دوران کورونا کے 6 افراد جاں بحق ہوئے جس کے بعد یہاں کورونا وائرس سے جاں بحق افراد کی تعداد 3 ہزار 80 ہو گئی ہے۔

محکمہ صحت نے کہا کہ پشاور میں کورونا سے 24 گھنٹوں کے دوران مزید 50 افراد متاثر ہوئے ہیں، پشاور میں کورونا کیسز کی تعداد 81 ہزار 172 ہو گئی ہے۔