فیصل آباد میں رشتوں کے تنازع پر دو گروہوں کے درمیان فائرنگ کا تبادلہ ہوا جس کے باعث 2 افراد جاں بحق جبکہ متعدد افراد زخمی ہو گئے۔

یہ واقعہ تاندلیانوالہ میں تھانہ گڑھ کے علاقے میں پیش آیا جہاں رشتوں کے تنازع پر دو گروپوں میں لڑائی جھگڑا ہو گیا جس کے باعث متعدد لوگ زخمی ہو گئے۔

پولیس کا کہنا ہے کہ دونوں گروپ رشتہ دار ہیں اور کچھ عرصہ سے لڑکی کے رشتے کے انکار پر آپس میں رنجش میں مبتلا تھے۔

زخمیوں کو تحصیل ہیڈ کوارٹر اسپتال منتقل کیا جا رہا ہے۔

پولیس کے مطابق دونوں گروپوں میں فائرنگ کا تبادلہ تاحال جاری ہے، پولیس کی بھاری نفری موقع پر موجود ہے۔