سول ایوی ایشن اتھارٹی نے مسافروں کے لیے نیا ہدایات نامہ جاری کر دیا ہے۔

ترجمان سی اے اے نے اپنے بیان میں کہا کہ بیرون ممالک سے پاکستان آنے والے مسافروں کے لیے ریپڈ انٹینجن ٹیسٹ ختم کرنے کا فیصلہ کیا گیا ہے اور یہ فیصلہ 8 فروری سے نافذ العمل ہو گا۔

ترجمان نے کہا کہ ویکسینیشن کے بغیر آنے والے مسافروں پر بھی فیصلہ کا اطلاق نہیں ہو گا۔

سی اے اے کے ترجمان کا کہنا تھا کہ پاکستان آمد سے 48 گھنٹے قبل کروائے گئے پی سی آر ٹیسٹ کی منفی رپورٹ کی پابندی برقرار رہے گی اور مسافروں کو امیگریشن کے لیے ایف آئی اے کو منفی کروونا رپورٹ دکھانا ہو گی۔