معروف عالم دین مولانا طارق جمیل نے میاں چنوں واقعے کو ظلم اور جہالت قرار دے دیا ہے۔

اپنے ایک ٹی وی انٹرویو میں معروف عالم دین نے کہا کہ میاں چنوں میں توہین مذہب کے الزام میں ذہنی مریض اور سیالکوٹ میں سری لنکن شہری کا قتل ظلم اور جہالت ہے۔

مولانا طارق جمیل نے اسلامی احکامات کی روشنی میں مزید کہا کہ شریعت کے مطابق قاتل کو سزا عوام نہیں بلکہ عدالت دے گی۔

مزید پڑھیے: وزیراعظم نے خانیوال واقعے کا نوٹس لے لیا

میاں چنوں واقعہ کیا ہے؟

چند روز قبل میاں چنوں میں مشتعل ہجوم نے توہین مذہب کے الزام میں ایک شخص کو قتل کردیا تھا۔

مقتول کے بھائی کا کہنا ہے کہ اس کا بھائی کئی برسوں سے ذہنی مریض تھا۔ جس کا علاج بھی کیا جارہا تھا۔

وزیر اعظم کی جانب سے واقعے کے نوٹس لیے جانے کے بعد پولیس حرکت میں آئی۔

مزید پڑھیے: خانیوال واقعے پر پنجاب پولیس کی مزید گرفتاریاں

پولیس نے واقعے پر 300 سے زائد معلوم اور نامعلوم افراد کے خلاف مقدمہ درج کیا تھا۔

واقعے کے الزام میں اب تک درجنوں افراد کو گرفتار بھی کیا گیا ہے۔