حیدر آباد میں پولیس اہلکار نے معمولی جھگڑے پر ڈی ایس پی کو گولی مار دی۔

یہ واقعہ حیدر آباد کے تھانہ قاسم آباد میں پیش آیا جہاں پولیس اہلکار آصف شہزاد نے ڈی ایس پی قاسم آباد فیض محمد دایو پر تلخ کلامی کے باعث فائرنگ کر دی۔

ڈی ایس پی قاسم آباد کو سول ہسپتال منتقل کر دیا گیا تھا پر زخم گہرہ ہونے کے باعث وہ جاں بحق ہو گئے۔

پولیس ذرائع کا کہنا ہے کہ گن مین کو گرفتار کر کے نامعلوم مقام پر منتقل کر دیا گیا ہے۔

ذرائع پولیس کے مطابق گن مین کی ڈی ایس پی سے تلخ کلامی ہوئی تھی ار فیض محمد دایو پر فائرنگ پولیس موبائل میں بیٹھے ہوئے کی گئی۔

پولیس ذرائع کا کہنا ہے کہ ڈی ایس پی پولیس نفری کے ہمراہ اسنیپ چیکنگ پر موجود تھا،

ذرائع پولیس نے کہا کہ ڈی ایس پی کی لاش پوسٹ مارٹم کے لیے مردہ خانہ منتقل کر دی گئی ہے۔

ڈی ایس پی کے سرعام قتل پر پولیس کے اعلیٰ افسران غائب ہیں، واقعے کی اطلاع کے باوجود ایس ایس پی اور ڈی آئی جی ہسپتال نہ پہنچے۔

اے ایس پی بلدیہ حسنین وارث سول ہسپتال مردہ خانہ پہنچ گئے۔