شہباز گِل نے کہا ہے کہ عمران خان عوامی خدمت کے لیے سیاست کر رہے ہیں۔

ترجمان وزیراعظم، معاون خصوصی برائے سیاسی ابلاغ ڈاکٹر شہباز گِل نے مریم صفدر کے بیان پر ردعمل دیتے ہوئے کہا کہ جن کے ہوش اڑے ہیں وہ لندن مفرور ہیں، پلیٹ لیٹس اور کمر درد کے بہانے بنانے والے ڈرے ہوئے ہیں۔

شہباز گل کا کہنا تھا کہ کلیبری کوئین چور اور کرپٹ والد کی سیاست بچاؤ مہم پر ہیں، ان کا اخلاقی اقدار کا درس دینا بھونڈا مذاق ہے، ویڈیوز اور بلیک میلنگ کی سیاست کرنے والے اخلاقی اقدار کیا جانیں؟ اقتدار کے لیے سیاست کرنے والے منت سماجت اور پاؤں پڑ رہے ہیں۔

ان کا کہنا تھا کہ عمران خان اقتدار کی خاطر نہیں عوامی خدمت کے لیے سیاست کر رہے ہیں، انہوں نے کرپٹ مافیا، اس کے مہرے اور حصہ داروں کو بے نقاب کیا ہے۔

انہوں نے مزید کہا کہ بیرونی قوتوں سے اقتدار کی بھیک مانگنے والوں کو منہ کی کھانی پڑے گی۔