عالیہ حمزہ نے کہا ہے کہ ایک دوسرے کو چور اور ڈاکو کہنے والے آج اکٹھے ہو گئے ہیں۔

پاکستان تحریک انصاف ( پی ٹی آئی ) کی رہنما عالیہ حمزہ نے اپنے بیان میں کہا کہ قومی چور ملک کو لوٹنے کے لیے پھر سے پر تولنے لگے، ٹی ٹی شریف اور فالودہ والا دوبارہ ملک کو لوٹنے کے لیے تیار ہے۔

‏‎‎ انہوں نے کہا کہ یعنی حکومت نہیں ریوڑیاں بانٹنی ہیں، ووٹ کو عزت دو، سلیکٹڈ، سویلین سپریمیس گئی بھاڑ میں۔ عوام کیا گائے بکری ہیں جو قومی حکومت کو مانیں؟

‏‎‎‎ عالیہ حمزہ کا کہنا تھا کہ اپوزیشن وزیراعظم عمران خان کی مقبولیت سے اتنی گھبراگئی ہے کہ الیکشن کے بغیر حکومت چاہتی ہے جبکہ اپوزیشن اسے نام نیشنل گورنمنٹ کا دے رہی ہے۔

پاکستان تحریک انصاف ( پی ٹی آئی ) کی رہنما عالیہ حمزہ کا مزید کہنا تھا کہ ہم نے پہلے ہی کہا تھا آپ بھگوڑے ہیں، آپ نہ صرف عدم اعتماد بلکہ اگلے انتخاب سے بھی بھاگ رہے ہیں۔