خواجہ آصف نے کہا ہے کہ اتحادیوں سے متعلق کچھ بتانے کی اجازت نہیں ہے۔

مسلم لیگ ن کے رہنما خواجہ آصف نے اسلام آباد میں صحافیوں سے گفتگو کرتے ہوئے کہا کہ ایک آئینی طریقہ اپنایا جارہا ہے، ایک دو روز میں پیشرفت کا پتہ لگ جائے گا۔

انہوں نے کہا کہ چیزیں آہستہ آہستہ درست سمت میں آگے بڑھ رہی ہیں جبکہ، جمہوری روایات کو مضبوط کیا جارہا ہے، اللہ کا فضل ہے ہمارے نمبر پورے ہیں۔

خواجہ آصف نے یہ بھی کہا کہ اتحادیوں سے متعلق کچھ بتانے کی اجازت نہیں ہے، اگر عمران خان فارغ ہو جاتا ہے تو یہ جمہوریت کی مضبوطی میں بڑا قدم ہو گا۔

مسلم لیگ ن کے رہنما خواجہ آصف نے مزید کہا کہ جتنا ان کا حق ہے ہمارا بھی اتنا ہی حق ہے ، جس تاریخ کو حکومت جلسہ کرے گی، ہم بھی اسی روز جلسہ کریں گے۔