تحریک عدم اعتماد کے معاملے پر جہانگیر ترین سے حکومت کی جانب سے کیے جانے والے ناکام ہوتے ہوئے نظر آرہے ہیں۔

عدم اعتماد کے معاملے میں حکومت کا ساتھ دینے کے لئے گورنر سندھ کی جانب سے جہانگیر ترین سے رابطہ ناکام ہوگیا ہے۔

اس حوالے سے ذرائع کا کہنا ہے کہ گورنر سندھ عمران اسماعیل نے جہانگیر ترین کو لندن فون کیا تھا لیکن دونوں رہنماؤں کی بات نہیں ہوسکی  اور نہ ہی کوئی ملاقات طے پائی۔

ذرائع کے مطابق جہانگیر ترین اور ان کے گروپ نے حکومتی شخصیات سے ملاقات نہ کرنے کا فیصلہ کیا ہے۔

ذرائع نے بتایا ہے کہ جہانگیر ترین گروپ حکومت مخالف اسٹینڈ لے چکا ہے اور وہ گروپ کے ایم این ایز اپوزئشن کے ساتھ کھڑے ہو چکے ہیں۔

ذرائع کے مطابق ترین گروپ سے حکومت مخالف حکمت عملی رکھنے والی شخصیات کی ملاقاتیں ہو رہی ہیں۔

خیال رہے کہ حکومت کی جانب سے عدم اعتماد کی تحریک پر حکومت کے اتحادیوں سمیت پارٹی اراکین اور ایم این ایز سے ملاقاتوں کا سلسلہ بتدریج جاری ہے۔

 اس صورتحال میں وزیراعظم عمران خان نے پارٹی رہنماؤں کو عوام اور اراکین سے رابطے کرنے کا ٹاسک سونپا ہے۔

اس ٹاسک کی پیش نظر گورنر سندھ عمران اسماعیل نے ہی جہانگیر ترین سے رابطہ کرنے کا فیصلہ کیا تھا لیکن وہ اس میں ناکام ہوگئے ہیں۔