خورشید شاہ نے کہا ہے کہ پیپلز پارٹی پرامن سیاست کی داعی ہے۔

پیپلز پارٹی کے مرکزی رہنما خورشید شاہ نے میڈیا سے گفتگو کرتے ہوئے کہا کہ اطلاعات مل رہی ہیں کہ حکومت اراکین قومی اسمبلی پر دباؤ ڈال رہی ہے۔

انہوں نے کہا کہ حکومت ارکان کو ان کا حق استعمال کرنے سے روک رہی ہے، حکومت کو فیصلہ سمجھ آگیا ہے اس لیے غنڈہ گردی کررہی ہے۔

 پیپلز پارٹی کے مرکزی رہنما کا کہنا تھا کہ حکومت پر تشدد سیاست کو پروان چڑہا رہی ہے، اگر حکومت نے یہی رویہ رکھا تو اس سے بڑا نقصان ہوگا۔

خورشید شاہ کا یہ بھی کہنا تھا کہ پیپلز پارٹی پرامن سیاست کی داعی ہے، ہم افہام تفہیم سے آگے بڑھ رہے رہیں لیکن اگر حکومت نے روش نہ بدلی تو حالات کی ذمہ دار حلومت ہو گی۔

پیپلز پارٹی کے مرکزی رہنما خورشید شاہ کا مزید کہنا تھا کہ ہمیں بھی حق حاصل ہے کہ اپنا تحفظ کریں، ملک کی عدالتیں اور بار ایسوسی ایشنز اس حوالے سے اپنا کردار ادا کریں۔