حیدرآباد میں وڈیرے نے چوری کے الزام پر اپنی عدالت لگا لی۔

یہ واقعہ حیدرآباد میں ہوسڑی کے علاقے میں پیش آیا جہاں وڈیرے نے چوری کے الزام پر ذہنی معذور شخص کو رسیوں سے باندھ کر ڈنڈے سے تشدد کا نشانہ بنایا۔

پیروں پر مسلسل ڈنڈے برسانے سے نوجوان شدید تکلیف میں روتا رہا پر وڈیرے کو اس پر زرا ترس نہ آیا۔

تشدد کے بعد نوجوان کو ہوسڑی پولیس کے حوالے کر دیا گیا۔

بدترین تشدد کرنے والے افراد کے خلاف پولیس نے بھی کارروائی کرنے سے منا کر دیا ہے۔

ایس ایچ او پبن اسلم خانزادہ کا کہنا تھا کہ نوجوان ذہنی مریض تھا، ورثاء نے مینٹل اسپتال کے سرٹیفکیٹ دکھائے ہیں۔

ان کا مزید کہنا تھا کہ ہم نے نوجوان کے تمام سرٹیفکیٹ دیکھ کر نوجوان کو ورثاء کے حوالے کر دیا ہے۔