قائد حزب اختلاف شہباز شریف اور سابق صدر آصف علی زرداری کی اہم ملاقات طے پاگئی ہے۔

ذرائع کا کہنا ہے کہ شہباز شریف اور آصف علی زرداری کے درمیان رابطہ پوا ہے جس میں دونون کی ملاقات طے ہوئی ہے۔

ذرائع کے مطابق دونوں رہنماؤں کی اہم ملاقات جلد ہی اسلام آباد میں ہوگی جس میں وزیراعظم کے خلاف تحریک عدم اعتماد کے معاملے پر مشاورت کی جائیگی۔

علاوہ ازیں اس ملاقات کے دوران اسپیکر اور ڈپٹی اسپیکر کے خلاف عدم اعتماد پر بھی مشاورت ہوگی۔

خیال رہے کہ اپوزیشن قائدین کے درمیان وزیرعظم عمران خان کے خلاف تحریک عدم اعتماد کے حوالے سے اہم ملاقاتوں کا سلسلہ جاری ہے۔