وفاقی وزیر شیخ رشید نے کہا ہے کہ مظاہرے اور مارچ عوام کا جمہوری حق ہے تاہم قانون ہاتھ میں لینے کی ہرگز اجازت نہیں دی جاسکتی ہے۔

 وزیر داخلہ شیخ رشید احمد نے وزارت داخلہ میں قائم کنٹرول روم کا دورہ کیا ہے جہاں انہوں نے واتین کے عالمی دن کے حوالے سے جاری مظاہروں کو کنٹرول روم سے مانیٹر کیا۔

اسلام آباد :8مارچ 2022

Advertisement

وزارت داخلہ میں قائم کنٹرول روم کا دورہ

راولپنڈی اسلام آباد جڑواں شہروں کی امن وامان کے حوالے سے بریفنگ.

دارالحکومت اسلام آباد میں ہونے والے مختلف مظاہروں اور جلوسوں کی کنٹرول روم سے مانیٹرنگ. pic.twitter.com/uOzQkzqyVM

— Sheikh Rashid Ahmed (@ShkhRasheed) March 8, 2022

اس دوران شیخ رشید احمد کو پیپلزپارٹی کے لانگ مارچ کی اسلام آباد آمد سے متعلق بھی بریف کیا گیا ہے۔

وزیر داخلہ نے امن وامان کے حوالے سے کیے جانے والے تمام تر انتظامات پر اطمینان کا اظہار کرتے ہوئے اہم ہدایات جاری کی ہیں۔

ان کی جاری کردہ ہدایات کے مطابق مظاہروں اور جلوسوں کی سکیورٹی کو یقینی بنانے اور ٹریفک کی روانی کوبحال رکھے جانے پر زور دیا گیا ہے۔

ان کا مزید کہنا تھا کہ شرپسند عناصر پر کڑی نظر رکھی جائے کیونکہ عوام کی سکیورٹی اولین ترجیح ہے۔