پارلیمنٹ ہاؤس کی تزئین و آرائش پر کڑوروں کےخرچے کا نوٹس لیتے ہوئے چیئرمین سی ڈی اے کو  آج طلب کرلیا گیا ہے۔

پبلک اکاؤنٹس کمیٹی کی جانب سے پارلیمنٹ ہاؤس کی تزئین و آرائش پر کروڑوں روپے کے اخراجات کا پی اے سی نے نوٹس لے لیا ہے۔

اس معاملے کا نوٹس لیتے ہوئے چیئرمین سی ڈی اے کو آج طلب کرتے ہوئے اخراجات کی تفصیلات بھی طلب کی ہیں۔

پارلیمنٹ ہاؤس کی بڑے پیمانے پر تزئین و آرائش او آئی سی اجلاس کے لئے کی جا رہی ہے۔

اس حوالے سے جاری کی جانے والی رپورٹ کے مطابق عمارت کے اندرونی حصوں اور وزراء کے چیمبرز کے فرش بھی اکھاڑ دیے گئے ہیں جبکہ قومی اسمبلی ہال میں بھی فرنیچر اور دیگر سامان کی تبدیلی جاری کا کام جاری ہے۔

 رپورٹ میں بتایا گیا ہے کہ عمارت کے مختلف حصوں میں پرانے سامان اور قالینوں کی وجہ سے بدبو پھیلنے لگی اور اسی وجہ سے پرانے قالین اٹھاے جارہے ہیں جبکہ لابیز کی ٹائلیں بھی تبدیل کی جارہی ہیں۔

رپورٹ میں بتایا گیا کہ مرمت اور تزئین و آرائش سے قومی اسمبلی عمارت کا تاریخی ورثہ متاثر ہونے لگا ہے جبکہ لابیز اور گیلریوں میں کھلی اور ننںگی تاریں خطرہ بن گیئں ہیں۔

رپورٹ کے مطابق عمارت کے مختلف حصوں میں نئے فرنیچر سمیت دیگر کاموں پر ستر کروڑ روپے سے زائد کی لاگت آئے گی جبکہ مرمت اور تزئین و آرائش کا کام سی ڈی اے کررہا ہے۔