صدر مملکت ڈاکٹر عارف علوی نے اسلام آباد میں موجود موبائل ریسٹورینٹ کے کھانے اور سروسز کی تعریف کی ہے۔

 سماجی رابطے کی ویب سائٹ ٹوئٹر پر اپنے ایک پیغام میں ڈاکٹر عارف علوی نے سماعت سے محروم افراد کے ٹرک ہوٹل کے متعلق اپنا تجربہ شیئر کیا ہے۔

میرے اور @Saminalvi کے لیے اسلام آباد کے اس فوڈ ٹرک پر جانا اور لذیذ برگر اور فرائز کھانا واقعی پرلطف تھا۔ ‘Abey KHAO’ کا کھانا پکانے سے لے کر آرڈر سرو کرنے تک کا مکمل انتظام سماعت سے محروم بھائی کرتے ہیں۔ یہاں تک کہ ہمیں سا ئن لینگویج سکھانے کا کام بھی۔

Advertisement

یہ ہے نیا پیارا پاکستان🙂 https://www.bolnews.com/urdu/pakistan/2022/03/547387/amp/

— Dr. Arif Alvi (@ArifAlvi) March 3, 2022

 ڈاکٹر عارف علوی نے اپنے پیغام میں بتایا کہ گزشتہ رات وہ اپنی اہلیہ کے ہمراہ ’ابے کھاؤ‘ نامی ریسٹورینٹ گئے تھے جہاں پر انہوں نے برگر اور فرائز کھائے جو انہیں بہت لذیز لگے اور انہیں بہت مزہ بھی آیا۔

انہوں نے سماعت سے محروم افراد کے قائم کردہ موبائل ہوٹل کے متعلق بات کرتے ہوئے کہا کہ یہاں کھانا پکانے سے لے کر آرڈر سرو کرنے تک کا مکمل انتظام سماعت سے محروم بھائی کرتے ہیں۔

Last night, President Dr. @ArifAlvi along with Begum Samina Alvi visited this food truck in F-7, Islamabad & had the meal at roadside.

This food truck is owned & managed by all deaf people.https://www.bolnews.com/urdu/pakistan/2022/03/547387/amp/ pic.twitter.com/us9Phgsw1l

— Arif Alvi Updates (@ArifAlviUpdates) March 3, 2022

صدر مملکت نے بتایا کہ اس ریسٹورینٹ میں تمام افراد نے ہمیں سائن لینگویج سکھانے کا کام بھی بخوبی انجام دیا ہے۔

خیال رہے کہ اسلام آباد میں سیکٹر ایچ 11 فور میں سماعت سے محروم افراد نے ‘ابے کھاؤ’ کے نام سے ایک موبائل ریسٹورینٹ قائم کیا ہے ۔

اس ریسٹورینٹ میں آرڈر دینے کا بھی طریقہ بتایا گیا ہے جو کہ سائن لینگویج  ہے تاکہ آنے والوں کو آرڈر کرنے میں مشکل کا سامنا نہ کرنا پڑے ۔