ڈاکٹر شاہد محمود نے کہا ہے کہ سمندر پار پاکستانیوں کے مسائل کا بروقت حل ہمارا اولین مشن ہے۔

وائس چیئرپرسن او پی سی ڈاکٹر شاہد محمود نے اپنے ایک بیان میں کہا کہ ایک ماہ کے قلیل عرصہ میں اوورسیز پاکستانیز کمیشن پنجاب نے اوورسیز پاکستانیوں کی 1008 شکایات کا ازالہ کر دیا ہے، او پی سی تارکین وطن کو خدمات مہیا کرنے میں پوری طرح متحرک ہے۔

ان کا کہنا تھا کہ اسی رفتار سے کام جاری رہا تو یکم مئی تک 2000 شکایات کے حل کا مقرر کردہ ہدف کامیابی سے مکمل کر لیا جائے گا۔

ڈاکٹر شاہد محمود کا کہنا تھا کہ اوورسیز پاکستانیز وطن عزیز کیلئے غیر معمولی خدمات سرانجام دے رہے ہیں، اوورسیز پاکستانیز کمیشن کی کارکردگی سمندر پار پاکستانیوں کے مسائل کے فوری حل سے منسلک ہے۔