تین روزہ کراچی لٹریچر فیسٹیول کا آج سے باقاعدہ آغاز ہو گیا ہے اور اس فیسٹیول میں علم و ادب سے شغف رکھنے والے افراد شریک ہو رہے ہیں۔

واضح رہے کہ صدر پاکستان عارف علوی نے آج کراچی لٹریچر فیسٹیول کا باقاعدہ افتتاح کر دیا۔

ادبی میلے میں اردو، انگریزی، پنجابی سندھی اور پشتو ادب پر سیشنز رکھے گئے ہیں۔

اس فیسٹیول میں تعلیم، صحت، معیشت، معاشرت، ٹیکنالوجی سمیت بہت سے دلچسپ موضوعات پر گفتگو ہو گی۔

پہلے روز فلم ‘کھیل کھیل میں’ کی اسکریننگ، دوسرے روز مشاعرہ اور تیسرے روز قوالی کے انتظامات کیے گئے ہیں۔

بیچ لگژری میں کراچی لٹریچر فیسٹیول تین دن تک جاری رہے گا۔