حکومت کے دو اتحادیوں ایم کیو ایم پاکستان اور مسلم لیگ ق کی ایک روز میں دو اہم ملاقاتیں ہوئیں ہیں جس میں حکومت کی کارکردگی پر مایوسی کا اظہار کیا گیا ہے۔

اس حوالے ذرائع کا کہنا ہے کہ دونوں اتحادیوں کی جانب سے عوامی مسائل کے حل کے لیے  حکومت کی کارکردگی پر مایوسی کا اظہار کیا گیا ہے۔

ذرائع کے مطابق ملاقات کے دوران ایم کیو ایم پاکستان کا کہنا تھا کہ حکومت کی جانب سے ہم سے کیے گئے وعدے بھی پورے نہیں کیے گئے جبکہ ق لیگ نے بھی کہا کہ پنجاب میں گورننس نام کی کوئی چیز نہیں ہمارے تحفظات بھی دور نہیں کیے گئے ہیں۔

خیال رہے کہ ایم کیو ایم پاکستان اور ق لیگ کی پہلی ملاقات وفاقی وزراء مونس الٰہی اور طارق بشیر چیمہ سے ہوئی جبکہ دوسری ملاقات رات گئے چوہدری شجاعت کے گھر کوئی تھی۔

ملاقات میں وزیراعلیٰ پنجاب چوہدری پرویز الٰہی اور پارٹی کے اراکین پارلیمنٹ بھی تھے جبکہ ایم کیو ایم کے وفد کی قیادت خالد مقبول صدیقی نے کی تھی۔

ملاقات میں سیاسی صورتحال عدم اعتماد کے امور پر تبادلہ خیال کیا گیا تھا اور پارلیمنٹ لاجز کے واقع پر تشویش کا اظہار کرتے ہوئے مؤقف پش کیا تھا کہ فریقین صبر وتحمل کا مظاہرہ کریں۔