جمعیت علماء اسلام ضلع لاہور کی مجلس عاملہ کے اجلاس کا انعقاد ہوا۔

اجلاس کی صدارت ضلعی امیر مولانا نعیم الدین نے کی جس میں 23 مارچ کو اسلام آباد لانگ مارچ میں بھرپور شرکت کا فیصلہ ہوا۔

اجلاس میں لانگ مارچ کی تیاریوں کے لیے کمیٹیاں تشکیل دے دی گئی ہیں۔

اس موقعے پر مولانا نعیم الدین کا کہنا تھا کہ ملک میں انارکی اور فساد کے پھیلاؤ کے لیے حکمران جماعت اور عمران خان کی شدید مذمت کرتے ہیں۔

ان کا کہنا تھا کہ حکمران تحریک عدم اعتماد سے فرار کے راستے تلاش کر رہے ہیں۔

اجلاس میں قاری امجد سعید، حافظ غضنفر عزیز، سلیم اللہ قادری، قاری عمران رحیمی ودیگر نے شرکت کی۔