صدر مملکت ڈاکٹر عارف علوی نے آئین کے آرٹیکل 63 اے کی تشریح کے حوالے سے ریفرنس کی منظوری دے دی ہے۔

صدر مملکت کی جانب سے آئین کے آرٹیکل 186 کے تحت سپریم کورٹ میں ریفرنس دائر کرنے کی منظوری دے دی گئی ہے۔

صدر مملکت ڈاکٹر عارف علوی نے آئین کے آرٹیکل 63 اے کی تشریح کے حوالے سے ریفرنس کی منظوری دے دی

صدر مملکت نے آئین کے آرٹیکل 186 کے تحت سپریم کورٹ میں ریفرنس دائر کرنے کی منظوری دی

Advertisement

— The President of Pakistan (@PresOfPakistan) March 21, 2022

صدر مملکت نے وزیرِ اعظم کے مشورے پر آئین کے آرٹیکل 63 اے کے اغراض و مقاصد، اسکی وسعت اور دیگر متعلقہ امور پر سپریم کورٹ کی رائے مانگی ہے۔

ریفرنس کُچھ ممبران پارلیمنٹ کے انحراف کی خبروں، ملک کے موجودہ حالات کے پیش نظر فائل کیا گیا ہے۔

صدارتی ریفرنس میں 4 سوالوں کے جواب طلب

صدارتی ریفرنس میں آرٹیکل 63 اے میں نااہلی کی مدت کا تعین نہیں کیا گیا تاہم سپریم کورٹ سے 4 سوالوں کے جواب مانگے گئے ہیں.

پہلا سوال:

آرٹیکل 63 اے کی کونسی تشریح قابل قبول ہے ؟

کیا ارکان اسمبلی کو پارٹی پالیسی کے خلاف ووٹ دینے سے نہیں روکا جا سکتا؟، کیا پاارٹی پالیسی کے خلاف ووٹ شمار نہیں ہوگا،ایسا کرنے والا تاحیات ناہل ہوگا؟۔

دوسرا سوال:

صدارتی ریفرنس کے مسودے کے مطابق کیا منحرف ارکان کا رکن ووٹ شمار ہوگا یا گنتی میں شمار نہی ہوگا ؟

تیسرا سوال :

کیا پارٹی پالیسی کے خلاف ووٹ دینے والا رکن صادق اور امین نہیں رہے گا کیا ایسا ممبر تاحیات نااہل ہوگا؟

چوتھا سوال :

فلور کراسنگ یا ہارس ٹریڈنگ کو روکنے کے مزید اقدامات کیا ہو سکتے ہیں؟