وفاقی ویر برائے اطلاعات و نشریات فواد چوہدری نے شدت پسندی کو دہشت گردی کی بڑی اور اہم وجہ قرار دے دیا ہے۔

 سماجی رابطے کی ویب سائٹ ٹوئٹر پر اپنے ایک پیغام میں دہشت گردی کے حوالے سے بات کی ہے۔

دہشت گردی کے پیچھے سب سے بڑی وجہ شدت پسندی ہے، شدت پسندی کو دشمن ہتھیار بنالیتا ہے،شدت پسندی منبر،سکول اور تھانہ کے کردار ادا نہ کرنے کا نتیجہ ہے ریاست کے شدت پسندی کیخلاف بڑے اقدامات کرنے میں پارلیمان اور عدلیہ کا تعاون ناگزیر ہے ہمیں اقدام کرنے ہوں گے اس کیلئے اتفاق رائے چاہئیے

— Ch Fawad Hussain (@fawadchaudhry) March 5, 2022

 فواد چوہدری نے اپنے پیغام میں کہا کہ شدت پسندی، دہشت گردی کی ایک بڑی وجہ ہے جسے دشمن ہتھیار بنالیتا ہے۔

ان کا کہنا تھا کہ ملک میں شدت پسندی کیخلاف بڑے اقدامات کرنے میں پارلیمان اور عدلیہ کا تعاون ناگزیر ہے جبکہ منبر، اسکول اور تھانوں کے کردار ادا نہ کرنے کا نتیجہ بھی ہے۔

انہوں نے کہا کہ ریاست سے دہشت گردی ختم کرنے کے لئے شدت پسندی کو ختم کرنا ضروری ہے جس کے لئے بروقت اقدامات کرنے ضروری ہیں اور اس کیلئے اتفاق رائے چاہئیے۔

خیال رہے کہ گزشتہ روز نماز جمعہ کی ادائیگی کے دوران کوچہ رسالدار  میں خودکش دھماکے میں جاں بحق افراد کی مجموعی تعداد 57 ہوگئی جبکہ زخمیوں کی مجموعی تعداد 198ہے۔

اس واقعے کی شدید مذمت کرتے ہوئے فواد چوہدری نے جاری کردہ بیان میں کہا تھا کہ پشاور دھماکہ ایک بڑی سازش کی کڑی ہے ۔

پشاور دھماکہ ایک بڑی سازش کی کڑی ہے، ہم نے ماضی میں ایسی سازشوں کا مقابلہ کیا ہے انشاللہ اب بھی پاکستان کے دشمن ناکام ہوں گے

— Ch Fawad Hussain (@fawadchaudhry) March 4, 2022

 انہوں نے کہا کہ ہم نے ماضی میں ایسی سازشوں کا مقابلہ کیا ہے انشاللہ اب بھی پاکستان کے دشمن ناکام ہوں گے۔

#سانحہ۔پشاور pic.twitter.com/zS3O4xIWZa

— Ch Fawad Hussain (@fawadchaudhry) March 4, 2022