گورنر سندھ نےکہا ہے کہ الیکشن کمیشن کو عمران خان کو نوٹس دینے کے علاوہ کوئی کام نہیں۔

گورنر سندھ عمران اسماعیل نے اپنے ایک بیان میں کہا کہ سندھ ہاؤس میں تماشا لگا ہوا ہے اور اپوزیشن لیڈر اسکو اچھا اور جائز قرار دے رہے ہیں۔

انہوں نے کہا کہ ن لیگ کے لیڈر کہتے ہیں ہم ہارس ٹریڈنگ کررہے ہیں اور اس بیان پر الیکشن کمیشن خاموش بیٹھی ہے۔ ہارس ٹریڈنگ ایک شرمناک عمل ہے ، حمیر بیچنے اور خریدنے والے کھلے عام اسلام آباد میں گھوم رہے ہیں۔

 گورنر سندھ کا کہنا تھا کہ کل ہمارے ورکرز سندھ ہاؤس گئے ، توڑ پھوڑ کی جو قابل مذمت ہے جبکہ عمران خان اور سینئیر قیادت نے اس کا نوٹس لیا اور ہم نے کارکنان کو پیغام دیا کہ وہ کوئی بھی خلاف قانون کام نہ کریں لیکن ہم کب تک لوگوں کو روک سکتے ہیں۔

عمران اسماعیل کا یہ بھی کہنا تھا کہ ہارس ٹریڈنگ پر الیکشن کمیشن خاموش ہے، الیکشن کمیشن کو عمران خان کو نوٹس دینے کے علاوہ کوئی کام نہیں۔

انہوں نے کہا کہ ہم نے منحرف اراکین اسمبلی کو موقع دیا ہے کہ سات دن کے اندر فیصلہ کرتے ہیں واپس انے کا تو ان سے بات کرنے کو تیار ہیں۔

عمران اسماعیل نے یہ بھی کہا کہ جو لوگ وزارت یا ٹکٹ کے چکر میں جاچکے ہیں انکو پھر خدا ہی حافظ ہے، یہ ضمیر کا پتہ ہی نہیں چلتا یہ کب سوتا ہے اور کب جاگتا ہے۔

گورنر سندھ عمران اسماعیل کا مزید کہنا تھا کہ او آئی سی کے فورا بعد عمران خان کے پاس ترپ کا پتہ ہے، جب وہ اپنی چال چلیں گے تو عمران خان اس عدم اعتماد کو شکست دیں گے اور عمران خان اس سے مزید مضبوط ہوکر نکلیں گے۔