متحدہ قومی موومنٹ پاکستان کا وفد جمعرات کو آصف زرداری سے ملاقات کرے گا۔

بول نیوز کے مطابق متحدہ قومی موومنٹ پاکستان کا وفد جمعرات کو سابق صدر آصف علی زرداری سے موجودہ صورتحال پر اہم ملاقات کرے گا۔

ایم کیو ایم رہنماؤں اور آصف علی زرداری کے درمیان ملاقات اسلام آباد میں ہوگی۔

واضح رہے کہ وزیر اعظم عمران خان بھی آج کراچی میں ایم کیو ایم پاکستان کے رہنماؤں سے ملاقات کے لئے عارضی مرکز پہنچے تھے۔

اس ملاقات کے دوران ایم کیو ایم پاکستان  نے وزیر اعظم کو اپنے تحفظات سے آگاہ کیا تھا۔

ملاقات کے بعد ایم کیو ایم پاکستان کے ڈپٹی کنوینر عامر خان نے میڈیا سے بات کرتے ہوئے کہا تھا کہ ہم حکومت کے اتحادی ہیں، تمام آپشنز کھلے ہیں، تحریک عدم اعتماد جمع کرائے جانے کے بعد اپوزیشن سے کوئی رابطہ نہیں ہوا۔