ایم کیو ایم پاکستان کے رکن قومی اسمبلی برائے این اے 240 کورنگی اقبال محمد علی خان انتقال  کرگئے۔

تفصیلات کے مطابق متحدہ قومی موومنٹ (ایم کیو ایم) پاکستان سینئر رہنما اقبال محمد علی خان کافی عرصے سے علیل تھے اور مقامی اسپتال میں زیر علاج تھے۔

اقبال محمدعلی خان 2018 کے انتخابات میں قومی اسمبلی کےحلقہ این اے 240 سے رکن منتخب ہوئے تھے۔

وزیراعظم شہبازشریف نے اقبال محمد علی کی وفات پر رنج وغم اور افسوس کا اظہار کرتے ہوئے کہا وہ ایک شریف النفس ، پڑھے لکھے اور عوام دوست شخص تھے۔

شہباز شریف نے کہا کہ ملک وقوم اور جمہوریت کے لیے ان کی خدمات تادیر یاد رکھی جائیں گی۔ایم کیوایم کی قیادت، کارکنان اور تمام وابستگان سے افسوس کرتے ہیں۔