رمضان المبارک میں اشیائے خوردونوش کی قیمتیں برقرار رکھنے کے لیے تابڑ توڑ کارروائیاں ہونے کے باوجود منافع خور باز نا آئے۔

ضلعی انتظامیہ نے پانچ روز میں سینکڑوں دکانداروں پر لاکھوں روپے جرمانہ عائد کیا، جرمانوں کے باوجود منافع خور من مانی قیمتیں وصول کرنے میں مصروف ہیں۔

ترجمان ضلعی اتظامیہ نے کہا کہ منافع خوری پر اسسٹنٹ کمشنرز نے ایک لاکھ 63 ہزار 5 سو روپے کے جرمانے عائد کیے، چھٹے روزے پر کارروائیاں مزید تیز کر دی گئی ہیں۔

ترجمان نے کہا کہ ہم منافع خوری کے خلاف بھرپور کارروائی کر کے منافع خوری کو روکنے کی کوشش کر رہے ہیں۔