وزیراعظم شہبازشریف نے ایم کیوایم کے رکن قومی اسمبلی اقبال محمد علی کی وفات پر رنج وغم اور افسوس کا اظہار کیا ہے۔

تفصیلات کے مطابق وزیر اعظم کا کہنا تھا کہ ایم کیو ایم کے رکن قومی اسمبلی اقبال محمد علی ایک شریف النفس ، پڑھے لکھے اور عوام دوست شخص تھے۔

انہوں نے کہا کہ ملک وقوم اور جمہوریت کے لیے ان کی خدمات تادیر یاد رکھی جائیں گی۔

شہباز شریف نے کہا کہ ایم کیوایم کی قیادت، کارکنان اور تمام وابستگان سے افسوس کرتے ہیں۔ اللہ تعالی مرحوم کو جنت الفردوس میں اعلی مقام عطا فرمائے اور اہل خانہ کو صبر دے۔

واضح رہے کہ ایم کیو ایم پاکستان کے رکن قومی اسمبلی برائے این اے 240 کورنگی اقبال محمد علی خان آج انتقال  کرگئے ہیں۔