الیکشن کمیشن آف پاکستان نے کہا ہے کہ کسی دباؤ کے بغیر آئین اور قانون کے مطابق فیصلے کرتے رہیں گے۔

الیکشن کمیشن آف پاکستان نے اپنے بیان میں کہا ہے کہ الیکشن کمیشن آئینی ادارہ ہے، تمام فیصلے آئین اور قانون کی روشنی میں کیے جاتے ہیں۔

الیکشن کمیشن نے بدنیتی پر مبنی حقائق کے برعکس تاثر دیا جا رہا ہے کہ الیکشن کمیشن میں انفرادی فیصلے کیے جاتے ہیں، جنوری 2020 سے لے کر آج تک الیکشن کمیشن نے تمام فیصلے اتفاق رائے سے کیے۔

الیکشن کمیشن کا کہنا ہے کہ چیف الیکشن کمشنر اور ممبران کے درمیان مکمل ہم آہنگی ہے، کوئی ایک بھی فیصلہ ایسا نہیں جس میں اختلافی نوٹ دیا گیا ہو، الیکشن کمیشن بہترین ملکی مفاد میں بغیر کسی دبائو کے آئین اور قانون کے مطابق فیصلے کرتا رہے گا۔

واضح رہے کہ تحریک انصاف کی جانب سے الیکشن کمیش پر جانبداری کے الزام عائد کئے جارہے ہیں۔