مسلم لیگ ن کے رہنماء خواجہ سلمان رفیق نے کہا ہے کہ قومی اسمبلی کو غیر قانونی طور پر توڑا گیا ہے۔

سلمان رفیق نے میڈیا سے گفتگو کرتے ہوئے کہا کہ پنجاب اسمبلی میں ان کو شکست نظر آئی تو ایسے ہتھکنڈے استعمال کیے گئے، جب ڈپٹی اسپیکر سے کہا کہ اجلاس کیوں لیٹ کر رہے ہیں تو کوئی جواب نہ دیا۔

ان کا کہنا تھا کہ پی ٹی آئی کو اپنی شکست نظر آرہی تھی تو خواتین کو سامنے لے آئے، ہماری ایم پی ایز کو شدید چوٹیں آئیں۔

انہوں نے کہا کہ قومی اسمبلی میں پانی بند کر دیا ہے لائٹیں اور ایوان بھی بند کر دیا گیا ہے۔

خواجہ سلمان نے مزید کہا کہ ملک کی قسمت کا فیصلہ آئین کے مطابق ہونا چاہیے۔

واضح رہے کہ صدر مملکت ڈاکٹر عارف علوی نے وزیر اعظم کی ایڈوائس پر قومی اسمبلی تحلیل کردی ہے۔

ایوان صدر کے ذرائع کے مطابق صدر مملکت عارف علوی نے قومی اسمبلی تحلیل کرنے کی سمری منظور کرلی ہے۔