محکمہ صحت گلگت بلتستان نے کہا ہے کہ گلگت میں مذید 2 افراد میں کورونا وائرس کی تصدیق ہو گئی ہے۔

محکمہ صحت نے صوبہ میں کورونا وائرس کی صورتحال پر رپورٹ دیتے ہوئے کہا کہ گلگت میں کورونا وائرس سے متاثرہ مریضوں کی مجموعی تعداد 11710 ہے جبکہ کورونا کے ایکٹیو کیسز کی تعداد 38 ہو گئی ہے۔

ادارے نے کہا کہ کورونا سے آج کوئی بھی مریض صحتیاب نہیں ہوا ہے؛ کورونا وائرس کو 307 سیاحوں، محکمہ تعلیم 1206 سمیت مجموعی طور پر 11481 مریض شکست دینے میں کامیاب ہوئے ہیں۔

محکمہ صحت نے کہا کہ گلگت میں کورونا وباء سے اب تک 191 مریض زندگی کی بازی ہار چکے ہیں۔

ادارے نے مزید کہا کہ کورونا کیسز کی شرح گلگت بلتستان میں 0.40 فیصد، صحتیابی کی شرح 98.04 جبکہ اموات کی شرح 1.63 فیصد ہے۔