سیالکوٹ میں میاں بیوی نے غربت کے مارے خودکشی کرنے کی کوشش کی، ریسکیو نے موقعے پر پہنچ کر انہیں ہسپتال منتقل کر دیا۔

یہ واقعہ سیالکوٹ کی تحصیل پسرور کے علاقہ بڈیانہ میں پیش آیا جہاں 22 سالہ فراز اور اس کی اٹھارہ سالہ بیوی رضیہ نے گھریلو حالات سے دلبرداشتہ ہو کر زہریلی گولیاں نگل لیں۔

ذرائع کے مطابق خاوند کی بیروزگاری کے باعث گھر میں فاقے چل رہے تھے جس کے باعث آئے روز گھر میں ناچاقی کا ماحول تھا۔

ریسکیو کی ٹیم اطلاع ملتے ہی موقع پر پہنچ گئی اور خودکشی کرنے والے میاں بیوی کو ابتدائی طبی امداد دیتے ہوئے ہسپتال منتقل کر دیا۔