پاکستان کے دار الحکومت اسلام آباد میں واقع شاہ فیصل مسجد پوری دنیا کے لیے اسلام کے آفاقی پیغام امن و محبت، رواداری و بھائی چارے اور احترامِ انسانیت کی علامت ہے۔

شاہ فیصل مسجد کو جنوبی ایشیا کی سب سے بڑی مسجد ہونے کا اعزاز حاصل ہے۔

اپنے انوکھے طرز تعمیر کے باعث شاہ فیصل مسجد پوری مسلم دنیا میں شہرت رکھتی ہے۔

شاہ فیصل مسجد تعمیر کرنے کی تجویز 1966ء میں اس وقت کے سعودی فرمانروا شاہ فیصل بن عبدالعزیز نے اپنے دورہ اسلام آباد میں دی۔

1969ء میں ایک بین الاقوامی مقابلہ منعقد کرایا گیا، جس میں 17 ممالک سے فنِ تعمیر کے 43 ماہرین نے مسجد کے ڈیزائن کے لیےاپنے نمونے پیش کیے گئے تھے۔

چار روزہ مباحثے کے بعد ترکی کے ویدت دالوکے ( Vedat Dalokay)کا ڈیزائن منتخب ہوا۔

12 اکتوبر 1976 کو سعودی عرب کے شاہ خالد نے ایک باوقار تقریب میں اس عظیم الشان مسجد کا سنگ بنیاد رکھا۔

28 جنوری 1983 کو فیصل مسجد اسلام آباد میں پہلی نماز جمعہ ادا کی گئی اور 2 جون 1986 بمطابق 23 رمضان المبارک 1406 ہجری کو پایہ تکمیل کو پہنچی۔

46 ایکڑ رقبے پر تعمیر کی گئی فیصل مسجد میں اندر اور باہر 4 لاکھ لوگ بیک وقت نماز پڑھ سکتے ہیں۔

گنیز بک آف ریکارڈز کے مطابق یہ اس وقت دنیا کی چھٹی اور پاکستان کی دوسری سب سے بڑی مسجد ہے۔