حسن مرتضیٰ نے کہا ہے کہ پیپلز پارٹی نے ہمیشہ عوام کو ریلیف دیا ہے۔

جنرل سیکرٹری پیپلز پارٹی وسطی پنجاب سید حسن مرتضیٰ نے اپنے ایک بیان میں کہا کہ زوالفقار علی بھٹو نے 1973میں بڑی اپوزیشن کے باوجود پاکستان کو آئین دیا۔

انہوں نے کہا کہ کچھ لوگوں نے شہید ہونے والے پولیس کے جوان کو ڈاکو کہا، قوم کو بتایا گیا ہے ہم ڈاکوؤں ہیں جبکہ ہم نے اس ملک کیلئے قربانیاں دیں ہیں۔

حسن مرتضیٰ کا کہنا تھا کہ بے نظیر بھٹو کو سرراہ قتل کیا گیا جبکہ آصف علی زرداری نے سمجھداری سے تمام پارٹیوں کو اکٹھا کردیا اور نئی حکومت بنائی۔

ان کا یہ بھی کہنا تھا کہ ہمارے ملک پر اس وقت غیر جمہوری سوچ کا راج ہے، پیپلز پارٹی نے ہمیشہ عوام کو ریلیف دیا۔

جنرل سیکرٹری پیپلز پارٹی وسطی پنجاب سید حسن مرتضیٰ کا مزید کہنا تھا کہ اگر عمران خان کو مزید وقت دیا جاتا تو عمران خان نے اس ملک کا جمہوری نظام بھی خراب کردینا تھا۔