این اے 240 کے ضمنی انتخابات کے پیشِ نظر کراچی انٹرمیڈیٹ کے امتحانات ری شیڈول ہونے کا امکان ہے۔

ذرائع کے مطابق کراچی کے حلقہ این اے 240 میں ضمنی انتخابات کے باعث انٹرمیڈیٹ کے امتحانات کا شیڈول متاثر ہونے کا خدشہ ہے۔

ذرائع کا کہنا ہے کہ این اے 240 میں ضمنی انتخابات کی پولنگ 16 جون کو ہو گی جبکہ محکمہ تعلیم سندھ کی اسٹیرنگ کمیٹی کے فیصلے کے مطابق کراچی میں انٹرمیڈیٹ کے امتحانات کا آغاز 15 جون سے ہونا تھا۔

ذرائع کا کہنا ہے کہ حلقہ این اے 240 میں لانڈھی، زمان ٹاؤن، بدر ٹاؤن، بنگالی پاڑا و دیگر علاقے شامل ہیں۔

ذرائع کا کہنا ہے کہ امتحانی مراکز پولنگ اسٹیشن بنے گے اور اساتذہ الیکشن ڈیوٹی پر ہوں گے، الیکشن کمیشن نے کراچی انٹر بورڈ کو امتحانات ری شیڈول کرنے کی ہدایت کر دی ہے۔