وزیراعظم شہباز شریف کی جانب سے درپیش معاشی مشکلات کے حل کے لئے جامع حکمت عملی تیار کرنے کی ہدایت کردی گئی ہے۔

دورۂ لاہور کے دوران وزیراعظم شہباز شریف سے وفاقی وزیر خزانہ مفتاح اسماعیل کی ملاقات ہوئی ہے۔

وزیراعظم شہباز شریف سے وفاقی وزیر خزانہ مفتاح اسماعیل کی ملاقات.صدر حبیب بینک محمد اورنگزیب، چیف سیکرٹری پنجاب اور دیگر اعلیٰ حکام نے شرکت کی.

Advertisement

وزیراعظم شہباز شریف نےدرپیش معاشی مشکلات کو عوام کی فلاح و بہبود کےلیےموثر طریقے سے حل کرنے کےلیےجامع حکمت عملی تیار کرنے کی ہدایت کی. pic.twitter.com/2XKPqJYaqe

— Government of Pakistan (@GovtofPakistan) May 9, 2022

اس دوران وزیراعظم شہباز شریف نے درپیش معاشی مشکلات کو عوام کی فلاح و بہبود کے لیے موثر طریقے سے حل کرنے کے لیے جامع حکمت عملی تیار کرنے کی ہدایت کی ہے۔

وزیراعظم شہباز شریف نے مزید ہدایت کی کہ عوام کو اشیائے خوردونوش کی ارزاں نرخوں پر  فراہمی یقینی بنانے کے لئے خصوصی انتظامات کئے جائیں۔

مزید برآں وزیراعظم نے نظام بینکاری کو  عام آدمی کی معاشی فلاح و بہبود کے لیے آسان بنانے پر زور دیا۔

خیال رہے کہ ملاقات کے دوران صدر حبیب بینک محمد اورنگزیب ,چیف سیکرٹری پنجاب اور دیگر اعلیٰ حکام نے شرکت کی۔

اس سے قبل وزیراعظم نے ملک میں چینی کا ذخیرہ اور قیمت مستحکم رکھنے کے لئے بڑا فیصلہ کیا ہے۔

اس حوالے سے وزیراعظم نے کہا کہ عوام کی ضرورت کو پہلے پورا کرنا ہے، قیمت کو مستحکم کرنا ہے۔

وزیراعظم نے ایکسپورٹ پر پابندی کے ساتھ اسمگلنگ کے خلاف سخت اقدامات کا بھی حکم دے دیا ہے اور کہا ہے کہ ذخیرہ اندوزوں، ناجائز منافع خوروں اور مصنوعی قلت پیدا کرنے والوں سے سختی سے نمٹا جائے۔

وزیراعظم نے اپنے احکامات پر مؤثر عمل درآمد سے مسلسل آگاہ کرنے کی بھی متعلقہ اداروں کو ہدایت کردی۔