جسٹس قاضی فائز عیسیٰ نے کہا ہے کہ ہمیں غور کرنا چاہیے کہ ہم کہاں کھڑے ہیں۔

سپریم کورٹ کے سینئر جج جسٹس قاضی فائز عیسیٰ نے اسلامی نظریاتی کونسل میں کتاب کی تقریب رونمائی سے خطاب کرتے ہوئے کہا کہ ہمارے معاشرے کو دو سنگیں مسائل کا سامنا ہے۔

انہوں نے کہا کہ پہلا مسئلہ خودکش حملوں کا ہے، قرآن کہتا ہے خود کو قتل مت کرو اور دوسرا مسلۂ جو پھیلتا جا رہا ہے وہ جلاؤ گھیراو اور بد اخلاقی کا ہے۔

ان کا کہنا تھا کہ بھلا درخت نے کسی کا کیا بگاڑا ہے؟ سورہ الحج میں ہے درخت تو اللہ تعالی کو سجدہ کرتے ہیں، سورہ کے مطابق ہر دوسری جاندار چیز اللہ کو سجدہ کرتی ہے۔

جسٹس فائز عیسیٰ نے کہا کہ وہ تمام مخلوق یعنی درخت اور پودے جو سجدہ اور تسبیح کرتے ہیں، ہمارا دین ہر جاندار چیز کی قدر کرتا ہے۔

انہوں نے مزید کہا کہ آج ہم سب کہاں ٹھہرے ہیں ہم سب کو غور فکر کرنا چاہیے۔