ترجمان مسلم لیگ ن خیبر پختونخوا اختیار ولی خان نے کہا ہے کہ وفاق میں ہماری حکومت ہے، ہم چیخ کر اپنے مطالبات کیلئے آواز اٹھائیں گے۔

اختیار ولی خان نے پریس کانفرنس کرتے ہوئے کہا کہ جھوٹ پر مبنی بجٹ پیش کیا گیا، کوئی کارکردگی نہیں دکھائی گئی، چار سال ستو پی کر سو گئے تھے آج کہتے ہیں کہ وفاق سے یہ چاہیے وہ چاہیے۔

ان کا کہنا تھا کہ نو سال میں صوبہ نو سو ارب مقروض کیا گیا، چپل اور موریوں والی قمیض سے لوگ لیڈر نہیں بن سکتے، وزیر خرانہ یہ تقریر جا کر چوک یاد گار میں کرے۔

انہوں نے کہا کہ صوبے کے اسپتال وٹس ایپ پر چلائے جا رہے ہیں، یہ قومی مجرم ہیں، پختون قوم کو کیسے جگائیں گے؟